coireolaí

Sonraí eolaíochta a tháirgeadh, a shonrú, a stóráil, a chaomhnú agus a (ath) úsáid bunaithe ar phrionsabail SIII (So‑aimsithe, Inrochtana, Idir‑inoibritheach agus In‑athúsáidte), lena ndéanfar na sonraí chomh hoscailte agus is féidir, agus chomh rúnda agus is gá.

Bheith rannpháirteach i gceapadh nó i gcruthú eolais nua trí cheisteanna taighde a fhoirmliú, trí thaighde a dhéanamh ar choincheapa, teoiricí, samhlacha, teicnící, ionstraimíocht, bogearraí nó modhanna oibríochtúla mar aon lena bhfeabhsú agus a bhforbairt, agus trí modhanna agus teicnící eolaíocha a úsáid.

Modhanna agus teicnící eolaíocha a chur i bhfeidhm chun feiniméin a imscrúdú, trí eolas nua a fháil nó trí eolas a bhí ann roimhe sin a cheartú agus a chomhtháthú.

Bunphrionsabail eiticiúla agus reachtaíocht a chur i bhfeidhm maidir le taighde eolaíoch, lena n‑áirítear saincheisteanna a bhaineann leis an tsláine taighde. Taighde a dhéanamh, a athbhreithniú nó tuairisciú ina leith agus mí‑iompar, mar shampla cumadh, falsú agus bradaíl, á sheachaint.

Comhair chomhtháite a chothú ina ndéanann geallsealbhóirí éagsúla nuálaíochtaí maidir le luach comhroinnte a chruthú le chéile.

Saintréithe bitheolaíocha na mban agus na bhfear, mar aon leis na gnéithe sóisialta agus cultúrtha athraitheacha a bhaineann leo (an inscne), a chur san áireamh i bpróiseas an taighde ina iomláine.

Téacsanna eolaíocha, acadúla agus teicniúla a dhréachtú agus a chur in eagar maidir le hábhair éagsúla.

Torthaí eolaíochta a scaipeadh go poiblí ar aon bhealach iomchuí, lena n‑áirítear comhdhálacha, ceardlanna, collóiciaim agus foilseacháin eolaíochta.

Taighde acadúil a dhéanamh, in ollscoil nó i gcoláiste nó i d’aonar, i do réimse saineolais féin agus é a fhoilsiú i leabhair nó in irisí acadúla d’fhonn cur le do réimse agus creidiúnú acadúil pearsanta a fháil.

Hipitéis, torthaí agus conclúidí do chuid taighde eolaíoch a bhaineann le do réimse saineolais a chur i láthair i bhfoilseacháin ghairmiúil.

Anailís a dhéanamh ar fhianaise, amhail fianaise i gcásanna coiriúla, ar dhoiciméadacht dhlíthiúil a bhaineann le cás, nó ar dhoiciméadacht eile is féidir a mheas mar fhianaise, chun íomhá shoiléir den chás a fháil agus chun teacht ar réitigh.

Úsáid a bhaint as samhlacha (staidreamh infeireach nó tuairisciúil) agus teicnící (mianadóireacht sonraí nó foghlaim ó mheaisín) le haghaidh anailíse staitistiúla agus uirlisí TFC chun anailís a dhéanamh ar shonraí, comhghaol a nochtadh agus treochtaí a thuar.

Anailís a dhéanamh ar ghníomhaíochtaí neamhdhleathacha a dhéanann daoine aonair d’fhonn pátrún gníomhaíochta, bunchúise agus déimeagrafaice a nochtadh.

Páirt a ghlacadh i meastóireachtaí a cheanglaítear chun láithreacht agus déine ghalair mheabhrach a fhianú, de réir cheanglais chúirte coiriúla nó sibhialta.

Feidhm a bhaint as feasacht fhairsing ar phróisis luachshocraithe eolais a bhfuil sé mar aidhm acu sreabhadh dhá threo na teicneolaíochta, na maoine intleachtúla, an tsaineolais agus an chumais a uasmhéadú idir an bonn taighde agus an tionscal nó an earnáil phoiblí.

Sonraí eolaíocha a thagann ó mhodhanna taighde cháilíochtúla agus cainníochtúla a tháirgeadh agus a anailísiú. Na sonraí i mbunachair sonraí taighde a stóráil agus a chothabháil. Tacú le hathúsáid sonraí eolaíocha agus cur amach a bheith agat ar phrionsabail maidir le bainistiú sonraí oscailte.

Sonraí agus faisnéis ábhartha a bhailiú, a phróiseáil agus a anailísiú, sonraí agus faisnéis a stóráil agus a nuashonrú i gceart agus figiúirí agus sonraí a léiriú agus úsáid á baint as cairteacha agus léaráidí staidrimh.

Bá a léiriú do dhaoine eile chomh maith le muintearas. Éisteacht, aiseolas a thabhairt agus a fháil agus freagairt do dhaoine eile ar bhealach aireachtálach, agus san áireamh leis sin maoirseacht foirne agus ceannaireacht i suíomh gairmiúil.

Bogearraí Foinse Oscailte a oibriú agus a tháirgeadh. Cur amach a bheith agat ar na príomhshamlacha Foinse Oscailte, ar scéimeanna ceadúnúcháin agus ar na cleachtais chódúcháin a ghlactar go coitianta i dtáirgeadh bogearraí Foinse Oscailte.