eolaí comhshaoil

Sonraí eolaíochta a tháirgeadh, a shonrú, a stóráil, a chaomhnú agus a (ath) úsáid bunaithe ar phrionsabail SIII (So‑aimsithe, Inrochtana, Idir‑inoibritheach agus In‑athúsáidte), lena ndéanfar na sonraí chomh hoscailte agus is féidir, agus chomh rúnda agus is gá.

Bheith rannpháirteach i gceapadh nó i gcruthú eolais nua trí cheisteanna taighde a fhoirmliú, trí thaighde a dhéanamh ar choincheapa, teoiricí, samhlacha, teicnící, ionstraimíocht, bogearraí nó modhanna oibríochtúla mar aon lena bhfeabhsú agus a bhforbairt, agus trí modhanna agus teicnící eolaíocha a úsáid.

Bunphrionsabail eiticiúla agus reachtaíocht a chur i bhfeidhm maidir le taighde eolaíoch, lena n‑áirítear saincheisteanna a bhaineann leis an tsláine taighde. Taighde a dhéanamh, a athbhreithniú nó tuairisciú ina leith agus mí‑iompar, mar shampla cumadh, falsú agus bradaíl, á sheachaint.

Comhair chomhtháite a chothú ina ndéanann geallsealbhóirí éagsúla nuálaíochtaí maidir le luach comhroinnte a chruthú le chéile.

Suirbhéanna a dhéanamh chun faisnéis a bhailiú chun anailís agus bainistiú a dhéanamh ar rioscaí comhshaoil laistigh d’eagraíocht nó i gcomhthéacs níos leithne.

Faisnéis faoi mhaoin agus faoina teorainneacha a fháil roimh an suirbhé trí thaifid dhlíthiúla, taifid suirbhéanna, agus teidil talún a chuardach.

Téacsanna eolaíocha, acadúla agus teicniúla a dhréachtú agus a chur in eagar maidir le hábhair éagsúla.

Torthaí eolaíochta a scaipeadh go poiblí ar aon bhealach iomchuí, lena n‑áirítear comhdhálacha, ceardlanna, collóiciaim agus foilseacháin eolaíochta.

Taighde acadúil a dhéanamh, in ollscoil nó i gcoláiste nó i d’aonar, i do réimse saineolais féin agus é a fhoilsiú i leabhair nó in irisí acadúla d’fhonn cur le do réimse agus creidiúnú acadúil pearsanta a fháil.

Hipitéis, torthaí agus conclúidí do chuid taighde eolaíoch a bhaineann le do réimse saineolais a chur i láthair i bhfoilseacháin ghairmiúil.

Monatóireacht a dhéanamh ar ghníomhaíochtaí agus tascanna a dhéanamh a chloíonn le caighdeán a bhaineann le cosaint agus inbhuanaitheacht an chomhshaoil, agus gníomhaíochtaí a leasú i gcás athruithe ar reachtaíocht comhshaoil. Cinntiú go bhfuil na próisis i gcomhréir leis na rialacháin chomhshaoil agus na cleachtais is fearr.

Trealamh a úsáid chun paraiméadair éagsúla comhshaoil a thomhas d’fhonn fadhbanna comhshaoil a shainaithint agus an tslí inar féidir iad a réiteach a imscrúdú. Iniúchtaí a dhéanamh chun comhlíonadh reachtaíochta comhshaoil a chinntiú.

Córas bainistíochta comhshaoil a fhorbairt agus a chur chun feidhme.

Critéir chomhshaoil a fhorfheidhmiú chun damáiste don chomhshaol a chosc. Féachaint le húsáid éifeachtach a bhaint as acmhainní d’fhonn cosc a chur ar dhramhaíl agus costais a laghdú. Comhghleacaithe a spreagadh chun céimeanna ábhartha a ghlacadh chun oibriú ar bhealach atá neamhdhíobhálach don chomhshaol.

Tugtar comhairle chun go ndéanfaí úsáid ceimiceán a laghdú, mar shampla lotnaidicídí, na hastaíochtaí ó shubstaintí ceimiceacha éagsúla chun srian a chur lena dtionchar ar an gcomhshaol, chomh maith leis an riosca a bhaineann leo maidir le daoine a ghiorrú. Coimeádtar daoine ar an eolas maidir le rialacháin agus beartais sa réimse.

Comhairle a thabhairt do dhaoine aonair agus d'eagraíochtaí maidir le forbairt agus cur i bhfeidhm gníomhartha a chuidíonn le truailliú agus rioscaí gaolmhara a chosc.

An chúis atá le teagmhais truaillithe a shainaithint, chomh maith le cineál agus fairsinge na rioscaí, trí thástálacha a dhéanamh ar shuíomh an truaillithe agus i dtaighde saotharlainne agus i mbun taighde.

Meastachán a dhéanamh ar an tionchar atá ag gníomhaíochtaí bainistithe agus asbhainte screamhuisce ar an gcomhshaol.

Sonraí eolaíocha a thagann ó mhodhanna taighde cháilíochtúla agus cainníochtúla a tháirgeadh agus a anailísiú. Na sonraí i mbunachair sonraí taighde a stóráil agus a chothabháil. Tacú le hathúsáid sonraí eolaíocha agus cur amach a bheith agat ar phrionsabail maidir le bainistiú sonraí oscailte.

Bá a léiriú do dhaoine eile chomh maith le muintearas. Éisteacht, aiseolas a thabhairt agus a fháil agus freagairt do dhaoine eile ar bhealach aireachtálach, agus san áireamh leis sin maoirseacht foirne agus ceannaireacht i suíomh gairmiúil.

Bogearraí Foinse Oscailte a oibriú agus a tháirgeadh. Cur amach a bheith agat ar na príomhshamlacha Foinse Oscailte, ar scéimeanna ceadúnúcháin agus ar na cleachtais chódúcháin a ghlactar go coitianta i dtáirgeadh bogearraí Foinse Oscailte.