infermier responsabbli mill-kura ġenerali/infermiera responsabbli mill-kura ġenerali

Ipprovdi informazzjoni utli relatata ma’ professjonijiet tal-kura tas-saħħa biex tiżgura li d-deċiżjonijiet ta’ politika jittieħdu għall-benefiċċju tal-komunitajiet.

Għoti ta’ pariri, ta’ struzzjonijiet u ta’ appoġġ lill-persuni li jeħtieġu l-kura tal-infermerija u l-persuni li magħhom jifformaw rabta emozzjonali.

Ippromwovi stili ta’ ħajja b’saħħitha, miżuri preventivi u l-kura personali permezz tat-tisħiħ tal-għoti tas-setgħa, il-promozzjoni tas-saħħa u t-titjib fl-imġiba u l-konformità terapewtika, l-għoti lill-pazjenti tal-informazzjoni adegwata sabiex jappoġġjaw il-konformità ma’ u l-adeżjoni għat-trattamenti, il-medikazzjoni u l-kura tal-infermerija preskritti.

Żgura li l-pazjenti/klijenti jkunu infurmati b’mod sħiħ dwar ir-riskji u l-benefiċċji ta’ trattamenti proposti sabiex ikunu jistgħu jagħtu kunsens infurmat, billi tinvolvi lill-pazjenti/klijenti fil-proċess tal-kura u tat-trattament tagħhom.

Ipprovdi kura komprensiva ta’ pazjenti morda b’mod kritiku b’kundizzjonijiet kirurġiċi sottostanti.

Ikkomunika mal-klijenti u ma’ min jieħu ħsiebhom, bil-permess tal-pazjent, biex iżommhom infurmati dwar il-progress tal-klijenti u tal-pazjenti u biex tissalvagwardja l-kunfidenzjalità.

Ipprovdi kura professjonali, adegwata għall-ħtiġijiet tal-kura tas-saħħa u tal-infermerija tal-individwi, tal-familji u tal-gruppi, filwaqt li tqis l-iżviluppi xjentifiċi, kif ukoll ir-rekwiżiti tal-kwalità u tas-sikurezza stabbiliti skont ir-regolamenti tal-kondotta legali/professjonali.

Implimentazzjoni tal-fundamentali u tal-prinċipji teoretiċi u metodoloġiċi tal-infermerija, tal-interventi bażiċi tal-infermerija permezz tal-evidenza xjentifika u tar-riżorsi disponibbli.

Ipprovdi servizzi lil pazjenti li sofrew minn puplesija, billi tgħinhom jerġgħu jitgħallmu ħiliet li jintilfu meta parti tal-moħħ issirilha l-ħsara.

Ippermetti l-promozzjoni u l-iżvilupp tal-kura tal-infermerija fit-tul, il-morbidità konġunta u f’sitwazzjonijiet ta’ dipendenza sabiex tinżamm l-awtonomija u r-relazzjonijiet personali tal-individwi mal-ambjent f’kull mument tal-proċess ta’ saħħa/mard.

Koordinazzjoni u sorveljanza tal-immaniġġjar ta’ diversi pazjenti simultanjament u ta’ inċidenti ta’ diżgrazzji tal-massa.

L-implimentazzjoni tal-kura tal-infermerija waqt it-trattament tal-pazjenti sabiex tittejjeb is-sitwazzjoni tas-saħħa tagħhom. It-twettiq ta’ interventi ta’ trattament, dijanjostiċi u invażivi avvanzati kif relatati mal-qasam tal-ispeċjalizzazzjoni.

Tnedija ta’ azzjonijiet li jippreservaw il-ħajja billi jittieħdu miżuri f’sitwazzjonijiet ta’ kriżi u ta’ diżastru.

Applika standards ta’ kwalità relatati mal-ġestjoni tar-riskju, mal-proċeduri tas-sikurezza, mar-feedback mill-pazjenti, mal-iskrinjar u mal-apparati mediċi fil-prattika ta’ kuljum, kif inhuma rikonoxxuti mill-assoċjazzjonijiet u l-awtoritajiet professjonali nazzjonali.

Konformità mal-leġiżlazzjoni reġjonali u nazzjonali dwar is-saħħa li tirregola r-relazzjonijiet bejn il-fornituri, il-kontribwenti, il-bejjiegħa tal-industrija tal-kura tas-saħħa u l-pazjenti, u l-għoti ta’ servizzi tal-kura tas-saħħa.

Assigura li l-utenti tal-kura tas-saħħa qed jiġu ttrattati b’mod professjonali, effettiv u sigur minn kwalunkwe deni, billi tadatta t-tekniki u l-proċeduri skont il-ħtiġijiet, l-abbiltajiet jew il-kundizzjonijiet prevalenti tal-persuna.

Offri pariri bbażati fuq l-evidenza dwar kif wieħed għandu jevita l-mard, eduka u agħti pariri lill-individwi u lil dawk li jindokrawhom dwar kif jipprevjenu l-mard u/jew ikunu kapaċi jagħtu pariri dwar kif jistgħu jtejbu l-kundizzjonijiet ambjentali u tas-saħħa tagħhom. Ipprovdi pariri dwar l-identifikazzjoni ta’ riskji li jwasslu għall-mard u għin biex tiżdied ir-reżiljenza tal-pazjenti billi jiġu mmirati strateġiji ta’ prevenzjoni u ta’ intervent bikri.

Ipparteċipa fit-taħriġ prattiku tal-persunal tas-saħħa abbażi tal-għarfien u l-ħiliet miksuba.

Provvista ta’ strateġiji bbażati fuq l-evidenza sabiex jiġu promossi l-għajxien f’saħħtu, il-prevenzjoni u l-ġestjoni tal-mard.

Segwi protokolli u linji gwida maqbula b’appoġġ għall-prattika tal-kura tas-saħħa li huma pprovduti minn istituzzjonijiet tal-kura tas-saħħa, assoċjazzjonijiet professjonali, jew awtoritajiet kif ukoll organizzazzjonijiet xjentifiċi.

Aderixxi ma’ standards u linji gwida speċifiċi għall-organizzazzjoni jew għad-dipartiment. Ifhem il-motivazzjonijiet tal-organizzazzjoni u l-ftehimiet komuni u aġixxi skont dan.

Il-promozzjoni u r-rispett tad-diversità, u l-promozzjoni tat-trattament ugwali tal-ġeneri, tal-etniċitajiet u tal-gruppi ta’ minoranza fl-organizzazzjonijiet sabiex tiġi pprevenuta d-diskriminazzjoni u jiġu żgurati l-inklużjoni u ambjent pożittiv.

Laħħaq mal-pressjoni u rreaġixxi b’mod xieraq u fil-ħin għal sitwazzjonijiet mhux mistennija u li qed jinbidlu malajr fil-kura tas-saħħa.

L-ippjanar tal-kura, filwaqt li jiġu ddefiniti l-objettivi tal-infermerija, jittieħdu d-deċiżjonijiet dwar il-miżuri tal-infermerija li għandhom jittieħdu, tingħata attenzjoni lill-edukazzjoni dwar is-saħħa u l-miżuri preventivi u tiġi żgurata l-kontinwità u l-kura kompluta bl-għan li ttejjeb il-kwalità tal-kura tal-infermerija.

Koordinazzjoni tal-kura għal gruppi ta’ pazjenti, b’kapaċità ta’ mmaniġġjar ta’ għadd ta’ pazjenti f’ammont partikolari ta’ ħin u provvista ta’ servizzi tas-saħħa ottimali.

Uża sett ta’ tekniki u proċeduri organizzattivi li jiffaċilitaw il-kisba tal-miri stabbiliti bħall-ippjanar dettaljat tal-iskedi tal-persunal. Uża dawn ir-riżorsi b’mod effiċjenti u sostenibbli, u uri flessibbiltà meta jkun meħtieġ.

Interaġixxi, irrelata u kkomunika ma’ individwi minn varjetà ta’ kulturi differenti, meta jaħdmu f’ambjent ta’ kura tas-saħħa.

Il-parteċipazzjoni fl-għoti ta’ kura tas-saħħa multidixxiplinarja, u l-fehim tar-regoli u tal-kompetenzi ta’ professjonijiet oħra relatati mal-kura tas-saħħa.