taighdeoir oideachais

Sonraí eolaíochta a tháirgeadh, a shonrú, a stóráil, a chaomhnú agus a (ath) úsáid bunaithe ar phrionsabail SIII (So‑aimsithe, Inrochtana, Idir‑inoibritheach agus In‑athúsáidte), lena ndéanfar na sonraí chomh hoscailte agus is féidir, agus chomh rúnda agus is gá.

Bheith rannpháirteach i gceapadh nó i gcruthú eolais nua trí cheisteanna taighde a fhoirmliú, trí thaighde a dhéanamh ar choincheapa, teoiricí, samhlacha, teicnící, ionstraimíocht, bogearraí nó modhanna oibríochtúla mar aon lena bhfeabhsú agus a bhforbairt, agus trí modhanna agus teicnící eolaíocha a úsáid.

Modhanna agus teicnící eolaíocha a chur i bhfeidhm chun feiniméin a imscrúdú, trí eolas nua a fháil nó trí eolas a bhí ann roimhe sin a cheartú agus a chomhtháthú.

Bunphrionsabail eiticiúla agus reachtaíocht a chur i bhfeidhm maidir le taighde eolaíoch, lena n‑áirítear saincheisteanna a bhaineann leis an tsláine taighde. Taighde a dhéanamh, a athbhreithniú nó tuairisciú ina leith agus mí‑iompar, mar shampla cumadh, falsú agus bradaíl, á sheachaint.

Comhair chomhtháite a chothú ina ndéanann geallsealbhóirí éagsúla nuálaíochtaí maidir le luach comhroinnte a chruthú le chéile.

Saintréithe bitheolaíocha na mban agus na bhfear, mar aon leis na gnéithe sóisialta agus cultúrtha athraitheacha a bhaineann leo (an inscne), a chur san áireamh i bpróiseas an taighde ina iomláine.

Téacsanna eolaíocha, acadúla agus teicniúla a dhréachtú agus a chur in eagar maidir le hábhair éagsúla.

Torthaí eolaíochta a scaipeadh go poiblí ar aon bhealach iomchuí, lena n‑áirítear comhdhálacha, ceardlanna, collóiciaim agus foilseacháin eolaíochta.

Tuarascálacha oibre a cheapadh ina dtacaítear le bainistiú éifeachtach an chaidrimh agus le hardchaighdeáin doiciméadúcháin agus coimeád taifead. Torthaí agus conclúidí a scríobh agus a chur i láthair ar bhealach soiléir sothuigthe sa chaoi go mbíonn siad intuigthe ag lucht éisteachta nach saineolaithe iad.

Taighde acadúil a dhéanamh, in ollscoil nó i gcoláiste nó i d’aonar, i do réimse saineolais féin agus é a fhoilsiú i leabhair nó in irisí acadúla d’fhonn cur le do réimse agus creidiúnú acadúil pearsanta a fháil.

Hipitéis, torthaí agus conclúidí do chuid taighde eolaíoch a bhaineann le do réimse saineolais a chur i láthair i bhfoilseacháin ghairmiúil.

Cumarsáid a dhéanamh le múinteoirí nó le gairmithe eile atá ag obair san oideachas chun riachtanais agus réimsí feabhais sna córais oideachais a shainaithint, agus caidreamh comhoibríoch a bhunú.

Comhghuaillíochtaí, teagmhálacha nó comhpháirtíochtaí a fhorbairt, agus faisnéis a mhalartú le daoine eile. Comhair chomhtháite oscailte a chothú ina ndéanann geallsealbhóirí éagsúla taighde agus nuálaíochtaí maidir le luach comhroinnte a chruthú le chéile. Do phróifíl phearsanta nó do bhranda a fhorbairt agus tú féin a chur i láthair ar bhealach a fhágann go bhfuil tú infheicthe agus gur féidir dul i dteagmháil leat, i dtimpeallachtaí líonraithe ar líne agus aghaidh ar aghaidh.

Measúnú a dhéanamh ar chláir oiliúna leanúnacha agus comhairle a thabhairt maidir le barrfheabhsú féideartha.

Anailís a dhéanamh ar ghnéithe éagsúla den chóras scoile agus oideachais, amhail an caidreamh idir tionscnamh cultúrtha na mac léinn agus na deiseanna oideachais atá acu, na cláir phrintíseachta nó na cuspóirí a ghabhann le hoideachas d’aosaigh, chun moltaí a dhéanamh do ghairmithe oideachais agus don lucht cinnteoireachta.

An tionchar atá ag torthaí taighde agus an úsáid a bhaintear astu a mhéadú i gcúrsaí beartais, trína chinntiú go gcuirtear na fíorais is úsáidí ar fáil agus go dtuigtear iad in am trátha le go gcuirfidh lucht ceapadh beartas san áireamh iad le linn thimthriall iomlán na mbeartas.

Torthaí, staitisticí agus conclúidí a chur ar taispeáint do lucht féachana ar bhealach soiléir simplí.

Féachaint ar fhoinsí faisnéise ábhartha chun inspioráid a fháil, eolas a chur ort féin faoi ábhair áirithe agus eolas cúlra a fháil.

Eolas nua agus casta ó fhoinsí éagsúla a léamh go criticiúil, a léirmhíniú agus achoimre a thabhairt air.

Freagracht a ghlacadh as foghlaim ar feadh an tsaoil agus as forbairt ghairmiúil leanúnach. Páirt a ghlacadh san fhoghlaim chun tacú leis an inniúlacht ghairmiúil agus í a thabhairt cothrom le dáta. Réimsí tosaíochta a shainaithint i ndáil leis an bhforbairt ghairmiúil bunaithe ar mhachnamh a dhéanamh ar a chleachtas féin agus trí bheith i dteagmháil le piaraí agus le geallsealbhóirí.

Coincheap sonrach a fhorbairt ina ndéantar cur síos ar na prionsabail oideachais ar a bhfuil an eagraíocht bunaithe, agus ina ndéantar cur síos ar na luachanna agus ar na patrúin iompair a chuireann an eagraíocht chun cinn.

Sonraí eolaíocha a thagann ó mhodhanna taighde cháilíochtúla agus cainníochtúla a tháirgeadh agus a anailísiú. Na sonraí i mbunachair sonraí taighde a stóráil agus a chothabháil. Tacú le hathúsáid sonraí eolaíocha agus cur amach a bheith agat ar phrionsabail maidir le bainistiú sonraí oscailte.